धनगढी, 27 अक्तूबर 2021
धनगढीमा प्रहरी सहायक निरीक्षक र प्रहरी जवानको हत्या अभियोग लागेका ९ जनालाई कैलालीका जिल्ला न्यायाधीशको इजलासले जन्मकैदको फैसला सुनाएको छ । धनगढी उपमहानगरपालिका– १० का २३ वर्षीय पर्कु भनिने रोहित राना, अर्का रोहित राना, २० वर्षीय राजेन्द्र राना, ३० वर्षीय चोर भनिने सुरेश राना, २५ वर्षीय गब्बर भनिने राजकुमार राना, वर्ष २२ को रामनिवास राना, २९ वर्षीय टल्लु भनिने दलराम राना, वडा नम्बर ११ बस्ने २५ वर्षीय गोपाल भनिने रामगोपाल राना र अमर रानालाई जन्मकैदको फैसला सुनाइएको जिल्ला न्यायाधीशले जनाएका छन् । उनीहरूलाई अस्थायी प्रहरी पोष्ट जुगेडाका इन्चार्ज प्रहरी सहायक निरीक्षक गोविन्द बिक र प्रहरी जवान रामबहादुर साउदको हत्यामा संलग्न भएकोमा पक्राउ गरिएको थियो । नेपालबाट उनीहरूले भारत सामान तस्करी गर्दा प्रहरीले अवरोध सिर्जना गरेपछि आक्रमण गरी हत्या गरेको स्वीकार गरेका थिए ।
