काठमाडौं, 13 जनवरी 2022
प्रधानन्यायाधीश चोलेन्द्र समशेर राणाको राजीनामा माग गर्दै नेपाल बार एशोसिएशन बिहीबार पनि बिरोध प्रदर्शन गरेको छ । बारको अगुवाईमा प्रधानन्यायधिशको राजीनामा माग गर्दै धर्ना दिइएको हो । विरोध प्रदर्शनका क्रममा बारका अध्यक्ष चण्डेश्वर श्रेष्ठले न्यायालयमा विचौलियाको संरक्षण भइरहेको र भ्रष्टाचार मौलाएको भन्दै प्रधानन्यायधिशले राजीनामा दिनुपर्ने बताउनुभयो । उहाले कोरोनाका बीच पनि सामाजिक दुरी कायम गरेर भएपनि बिरोधलाई जारी राखिने जानकारी दिनुभयो । न्यायपालीकाको सुधारका लागि प्रधानन्यायधिश नै बाधक भएको भन्दै उहाले न्यायलयलाइ निकास दिनका लागि प्रधानन्यायधिशको बहिर्गमन अनिवार्य रहेको धारणा राख्नुभयो । प्रधानन्यायाधीशलाई महाभियोग लगाउनुपर्ने भन्दै यसअघि बार नेतृत्वले बिभिन्न दलका शिर्ष नेतालाई ज्ञापन पत्र समेत बुझाएको छ ।
