दिल्ली, 4 सितम्बर 2021
अफगानिस्तानको राजधानी काबुलमा नियन्त्रण गरेको करिब २० दिनपछि र देशमा तालिबानले आफ्नो सरकार गठनभन्दा केही समयअघि पंजशीर घाटीमा पनि आफ्नो नियन्त्रण भएको बताएको छ । तर, पूर्व उपराष्ट्रपति अमरुल्लाह सालेहले भने यो दावी अस्वीकार गरेका छन् र लडाइँ अहिले पनि जारी रहेको बताएका छन् । सूत्रले अब तालिबानको पंजशीरसहित पूरै अफगानिस्तानमा नियन्त्रण भएको बताएको हो । पंजशीरमा नियन्त्रण भएपछि तालिबानी लडाकुहरुले राजधानी काबुलमा खुसी मनाउँदै हवाइ फायरिङ गरेका थिए । पछिल्ला केही दिनयता अहमद मसुद र अमरुल्लाह सालेहको नेतृत्वमा पंजशीरमा तालिबानविरुद्ध लडाइँ भइरहेको छ । केही दिनअघि नर्दर्न एलायन्स र तालिबानबीच वार्ता भएको थियो तर वार्ता विफल भएको छ । त्यसपछि तालिबानले पंजशीरमा नियन्त्रण गर्नको लागि आफ्ना लडाकू पठाएको थियो ।
