जनकपुरधाम, ६ मार्च, २०२०
नेपाल प्रहरीलाई प्रदेश २ सरकारले २४ वटा मोटरसाइकल प्रदान गरेको छ । प्रदेशको शान्ति, सुरक्षा र सुशासन कायम राख्न सहयोग पुग्ने उद्देश्यले आन्तरिक मामिला तथा कानुनमन्त्रालयले २४ वटा मोटरसाइकल प्रहरीलाई प्रदान गरेको हो ।
कानुनमन्त्री ज्ञानेन्द्र यादवले प्रदेश २ का प्रदेश प्रहरी प्रमुख डीआइजी प्रधुम्न कार्कीलाई २४ वटै मोटरसाइकल हस्तान्तरण गरेका हुन् । मोटरसाइकल प्रदान गर्दै मन्त्री यादवले प्रहरीलाई प्रविधिसँग जोड्दै शान्ति सुरक्षा चुस्तदुरुस्त पार्न खोजेको बताए । उनले चाँडै प्रहरीलाई १६ वटा पिकअप भ्यान समेत प्रदान गर्ने जानकारी गराएका छन् ।
