दिल्ली, 2 अप्रैल 2022
भारतको तीनदिने भ्रमणका लागि शुक्रबार नयाँदिल्ली पुगेका नेपालका प्रधानमन्त्री शेरबहादुर देउवाले शनिबार हैदराबाद हाउसमा भारतीय प्रधानमन्त्री नरेन्द्र मोदीसँग भेटवार्ता गरेका छन् । दुवै देशका राष्ट्राध्यक्षको उपस्थितिमा नेपाल र भारतबीच समझदारीपत्रमा हस्ताक्षर र दस्तावेज आदानप्रदान भएको थियो । भारत सरकारको क्रेडिट लाइन अन्तर्गत नेपालमा निर्माण भएको सोलु करिडोर १३२ केभी विद्युत् प्रसारण लाइन र सबस्टेसनको प्रधानमन्त्री नरेन्द्र मोदी र नेपालका प्रधानमन्त्री शेरबहादुर देउवाले संयुक्त रुपमा उद्घाटन गरेका छन् । यसै क्रममा नेपाल औपचारिक रूपमा अन्तर्राष्ट्रिय सौर्य गठबन्धनमा सामेल भयो। प्रधानमन्त्री नरेन्द्र मोदीले आफ्ना नेपाली समकक्षीसँग संयुक्त रूपमा यस हिमालयी देशमा भारतीय भुक्तानी सेवा प्रणाली RuPay को शुभारम्भ गर्नुका साथै जयनगर (भारत) देखि कुर्था (नेपाल) बीचको क्रस बोर्डर यात्री रेल सेवालाई झण्डा देखाएर उद्घाटन गर्नुभयो। प्रधानमन्त्री मोदीले भने, देउवा जी भारतका पुरानो मित्र हुन् । प्रधानमन्त्रीको हैसियतमा उनको यो पाँचौं भारत भ्रमण हो । उनले नेपाल–भारत सम्बन्ध विकासमा महत्वपूर्ण भूमिका खेलेका छन् । भारत र नेपालबीचको मित्रता, हाम्रा जनताबीचको सम्बन्ध– यस्तो उदाहरण विश्वमा कतै देख्न सकिँदैन । नेपालबाट बिजुली आयात गर्ने अरु धेरै प्रस्तावहरु स्वीकृत भईरहेको जानकारी गराउन पाउँदा मलाई खुशी लागेको छ । संयुक्त विज्ञप्तिमा प्रधानमन्त्री मोदीले नेपालको शान्ति, समृद्धि र विकासको यात्रामा भारत सधैं दृढ साझेदार रहेको र रहिरहने जनाए ।
