दिल्ली, 17 अगस्त 2022
प्रवासी नेपाली संघ भारतले आफ्नो संगठन विस्तार गरेको छ। 16 अगस्तका दिन संगठनले उत्तरप्रदेश राज्य समिति अन्तर्गत पर्ने गाजियावाद तयारी नगर समिति गठन गरेको हो। नेशनल लाईभ टिभीलाई टेक बहादुर रावल भीजनले दिएको जानकारी अनुसार कार्यक्रमको अध्यक्षता भीम बहादुर साउदले गरेका थिए भने संचालन देउसिंह साउदले गरेका थिए। कार्यक्रमको प्रमुख अतिथिमा प्रवासी नेपाली संघ भारतका केन्द्रिय सदस्य प्रमोद सिंह साउद क्षेत्री रहेका थिए। उक्त कार्यक्रममा गाजियाबाद तयारी नगर समिति भीम बहादुर साउद अध्यक्ष रहने र देव बहादुर साउद सचिव रहने गरि 35 सदस्यीय गाजियावाद तयारी नगर समिति गठन गरिएको छ। प्रमुख अतिथि प्रमोद सिंह साउद क्षेत्रीले प्रवासी नेपाली संघ भारत उत्तरप्रदेश राज्य समितिमा आबद्ध भएका साथीहरूलाई हार्दिक स्वागत गर्दै आगामी दिनमा राम्रो कार्य गरेर प्रवासी नेपाली संघ भारत लाई उच्च स्थानमा स्थापित गर्न सबैलाई अनुरोध गर्नुका साथै नवनिर्मित समिति लाई बधाई सहित सफल कार्यकालको शुभकामना दिएका थिए ! कार्यक्रममा बोल्दै उनले नेकपा एमालेले मात्र राष्ट्रलाई निकास दिनसक्ने हुनाले आगामी निर्वाचनमा पार्टीलाई भारी बहुमतले जिताउन अपिल गरेका थिए।
