फरिदाबाद, 12 जुन 2020
दिल्ली नजिक हरियाणाको फरीदाबादमा डडेल्धुराको परशुराम नगरपालिका 5 का स्थायी बासिन्दा नन्दलाल भट्टको हिजो शंकास्पद रुपमा निधन भएको छ । शव मृत अवस्थामा उनको कोठामा भेटिएको हो । उनि ओल्ड फरीदावादमा एक भारतीयका लागि पछिल्लो 35 वर्षदेखि विद्युतको काम गर्ने गर्दथे भने सोही भारतीयको घरमा रहँदै आएका थिए । उनी पछिल्लो 10/12 दिनदेखि विरामी परेको गुरुग्राममा रहदै आएका उनका छोरा कमल भट्टले बताएका छन ।
मेची-महाकाली जागरण अभियान भारतका महासचिव सुरेन्द्र बोहराका अनुसार हिजो निधन भएका मृतक भट्टको आज अन्तिम संस्कार गरिएको छ । मृतक नेपालीको छोरा गुरुग्राममा बस्दै आएका थिए । उनलाई हिजोनै फोन गरि बोलाएर आज अन्तिम संस्कार गरिएको हो । उनी केहीदिनदेखि विरामी परेको जानकारी पाईए पनि उनको मृत्यु कोरोना संक्रमणका कारण भएको हुन सक्ने आशंका गरिएको छ । यद्धपी अस्पतालले उनको शव परिक्षण गरेको र एक-दुई दिनमा रिपोर्ट आएपछि उनको मृत्यु कसरी भयो भन्ने थाहा हुने बोहराले बताउनु भएको छ ।
