सिक्किम, 30 दिसम्बर 2019/ केएन शर्मा
सिक्किमका मुख्यमन्त्री प्रेमसिंह गोलेले आफुहरु पूर्व सरकारले फुटाएको जातको संगठनलाई एकतामा ल्याउनका निम्ति सरकारमा आएको बताउनुभएको छ । पेलिङमा आयोजित १०औं कन्चनजंघा पर्यटन महोत्सवमा राज्यस्तरीय तमु लोसार कार्यक्रमलाई सम्बोधन गर्दै गोलेले २५ वर्ष शासन गरेको सरकारले गरीबलाई गरिब र धनीलाई धनी बनाएको बताउँदै २५ वर्षसम्म सिक्किममा एउटै व्यक्तिको सरकार रहेपनि अबको सरकार सिक्किममे जनताको सरकार भएको बताउनुभयो । सिक्किममा सबै जातिको आफ्नो भवन निर्माण भएको तर गुरुङ जातिको रोधी घर निर्माण गर्ने काम पुर्व सरकारले गर्न नसकेको तामाङले बताउनुभयो । उहाँले गुरुङ जाति भाषा साहित्य संस्कृतिको धनी भएको भन्दै मुख्यमन्त्रीले गुरुङ जातिलाई जनजातिको मागलाई आफ्नो सरकारले स्वीकार गरेको बताउनुभयो ।
मुख्यमन्त्री गोलेले पुर्व सरकारले सिक्किमका स्कुलहरुमा गुरुङ भाषाका शिक्षक नियुक्ति गर्न नसकेको भन्दै अब हाम्रो सरकारले पश्चिम सिक्किमलाई पर्यटन करियर बनाउने र आगामी अप्रेल महिनामा राज्यस्तरीय पर्यटन महोत्सव आयोजना गरिने बताउनुभयो । उहाँले सिक्किममा १६ लाख ८५ हजार लागतमा गरिब जनताको घर निर्माण निर्माण गर्ने घोषणा गर्नुभयो ।
उहाँले तमु ल्होछार र नयाँ साल २०२० को शुभकामना व्यक्त गर्नुभयो । उहाँले सरकार गठनपछि याङथाग निर्वाचन क्षेत्रको पहिलो भ्रमण गर्ने र स्थानीय नागरिकहरूलाई भेट्ने अवसर पाएको बताउनुभयो ।
गुरूङ जातिको रोधी घर निर्माण गर्ने पूर्व सरकारले ५० लाख रुपैया छुटाएर गुरूङ जातिलाई विभाजन गरेको भन्दै सबै गुरूङ समुदायलाई एक भएर सरकारमा माग लिएर आउन उहाँले आह्वान गर्नुभयो । गुरूङ जातिको रोधी घर गान्तोकमा बनाइदिने घोषणा गर्दै २०२०-२१ मा बजेट छुट्टाएर घर बनाउने प्रतिवद्धता गर्नुभयो ।
गुरूङ जातीको परम्परालाई हेर्ने हो भने यो जातिलाई जनजातीमा समावेश गर्नुपर्ने भएपनि तर पूर्व सरकारले जंगलवाट भेडी गोठ हटाएर परम्परा र संस्कृतिलाई लोप गर्ने प्रयास गरेको टिप्पणी गर्नुभयो ।
कार्यक्रममा मुख्य अतिथि एवं मुख्यमन्त्री पीएस गोलेलाई गुरूङ जातिको परम्पारीक भेषभूषा लगाएर स्वगत गरिएको थियो ।
पश्चिम जिल्लाको याङथाग निर्वाचन क्षेत्र अन्तर्गत पेलिङ सिनियर सेकेण्डरी स्कूलको खेल-मैदानमा सम्पन्न भइरहेको १० औं कञ्चनजंघा शितकालीन पर्यटन महोत्सवको अवसरमा आज गुरूङ जातिको महान चाड तमु ल्होछार विशेष विभिन्न कार्यक्रमका साथ पालन गरियो।
समारोहमा मन्त्री एम.एन. शेर्पा, भिमहाङ सुब्बा, संसद इन्द्रहाङ सुब्बा, सिक्किम राज्य बैंकका अध्यक्ष डी.बी.गुरूङ लगायत राज्य एवं राज्य बाहिरका गुरूङ समुदायको विशेष उपस्थिति थियो। कार्यक्रममा गुरूङ जातिका प्रतिष्ठित व्याक्तिहरु क्रमशः बी.बी.गुरूङ पूर्व उप मुख्यमन्त्री, पूर्व विधायक मोहन गुरूङ, शरद कुमार गुरूङ पूर्व सचिव , स्नेहालता गुरूङ, नरेन्द्र बिक्रम गुरूङ, नवीन गुरूङलाई सम्मानित गरिएको थियो। त्यसैगरि प्रतिभाशाली युवाहरूलाई सम्मानपत्र र पेलिङ पर्यटन विकास समितिबाट पेलिङ वरिष्ठ माध्यमिक विधालयका प्राचार्य एन.के.कार्की, तोप्जर भोटिया,निर्मल राईलाई बधाई पत्रले सम्मान गरिएको थियो ।
कार्यक्रमको प्रथम चरणमा तमु ल्होछार आयोजक समितिका अध्यक्ष लक्षुमण गुरूङले स्वगत सम्बाेधन राख्दै यो पर्व विशेषगरी पेलिङ पर्यटन विकास समिति १०औं कञ्चनजंघा शितकालीन पर्यटन समिति बुउरिङ सोसाइटी पेलिङ एवं अखिल सिक्किम तमु गुरूङ बुद्ध संघको संयुक्त आयोजनामा गरिएको बताउनुभयो ।
