नयाँ दिल्ली, 19 मई 2020
अखिल भारत नेपाली एकता मञ्च संयुक्त राज्य समिति (चण्डीगढ) ले नेपालको भविष्यबारे चिन्ता व्यक्त गर्दै यसमाथि फोहोरी राजनीति हुन नहुने भनेको छ । एक प्रेस विज्ञप्ति जारी गर्दै समितिले विश्वमा फैलिएको महामारी र नेपालमा पछिल्लो केही दिनमा राजनीतिमा भएका उतार चढावका बारेमा ध्यानाकर्षण गराउँदै यसबारेमा खुल्ला बहस गर्न सबैलाई अपील समेत गरेको छ ।
निर्मला पन्तको बलात्कार र हत्याको छिनोफानो, 33 केजी सुन काण्ड, यातायात सिण्डिकेट, सरकारबाट जारी अध्यादेश, सांसद यादव अपहरण लगायतका मुद्दामा सरकार असफल भएको अवस्थामा सडक र सदनबाट प्रधानमन्त्री केपी शर्मा ओलीको राजीनामा माग भइरहेका बेला उनिहरुका ध्यान विकेन्द्रीत गराउन प्रधानमन्त्री स्वयमले भारतसँग गेम सेटिङ गरि सीमा विवाद निम्ताएको हुन सक्ने आशंका व्यक्त गरेको छ । विश्व कोरोना भाइरस (कोभिड-19) बाट आक्रान्त भइरहेका बेला नेपालमा उग्ररुप उत्पन्न गराइनु सुनियोजित भएको हुन सक्ने अखिल अखिल भारत नेपाली एकता मञ्च संयुक्त राज्य समिति (चण्डीगढ) ले भनेको छ ।
हेरौं विज्ञप्तिको पूर्ण पाठ
अहिले चर्किएको सीमा विवाद र कोरोना भाईरस (कोभिड-19) को विषयमा जीत हासिल गर्नका लागि राष्ट्रीय एकताको खाँचो रहेको विज्ञप्तिमा भनिएको छ ।
