नयाँ दिल्ली, 24 जनवरी 2020
भारतले न्यूजिल्याण्ड विरुद्धको पहिलो टी-20 म्याच 6 विकेटले जितेको छ। अकल्याण्डमा घरेलु टोलीले दिएको 204 रनको लक्ष्य भारतले 4 विकेटको क्षतिमा 19 ओभरमा भेट्टायो। भारतको जितमा म्यान अफ द म्याच घोषित भएका श्रेयस ऐयरले सर्वाधिक 58 रनको योगदान गरे। पहिला ब्याटिङ्ग गर्ने निम्तो घरेलु टोलीले निर्धारित 20 ओभरमा 5 विकेट गुमाएर 203 रन बनाएको थियो। न्यूजिल्याण्डका लागि कोलिन मुन्रो, केन विलियम्सन र टिम सिफर्ट-ले अर्धशतकीय पारी खेले। बलिङतर्फ भारतका जसप्रित बुमराह, शार्दुल ठाकुर, युजवेन्द्र चाहल, शिवम दुवे र रविन्द्र जडेजाले समान 1/1 विकेट लिए।
जवाफी ब्याटिङ गरेको भारतका ऐयरका अतिरिक्त लोकेश राहुलले 56 र कप्तान विराट कोहलीले 45 रन बनाए। न्युजिल्याण्डको तर्फबाट इस सोधीले दुई तथा ब्लेइर टिक्नर र मिचेल सान्टनरले समान 1/1 विकेट लिए।
जितसँगै भारतले 5 म्याचको श्रृङ्खलामा 1-0-को अग्रता लिएको छ।
