नयाँ दिल्ली, 13 अगस्त                                    भारतीय काँग्रेसका राष्ट्रिय प्रवक्ता राजीव त्यागीको बुधबार साँझ निधन भएको छ । बुधवार साँझ अचानक हृदयघात भएपछि उनको निधन भएको हो । अचानक स्वास्थ्य बिग्रिएपछि उनलाई अस्पताल लगिएको थियो । तर डाक्टरहरुले उनलाई मृत घोषित गरेका थिए । उनलाई काँग्रेसको खरो प्रवक्ताका रुपमा चिनिथ्यो । उनले हृदयघात अघि मात्रै भारतीय च्यानल आजतकमा एक बहस कार्यक्रमा सहभागिता पनि जनाएका थिए । उनले त्यसको जानकारी आफै ट्वीटर मार्फत दिएका थिए । उनको निधनपछि काँग्रेस अध्यक्ष सोनिया गान्धी, पूर्व अध्यक्ष राहुल गान्धी, महासचिव प्रीयंका गान्धी, भाजपा प्रवक्ता संबित पात्रासहित कयौं नेताहरुले दुख व्यक्त गरेका छन । राहुल गान्धीले उनको काम सँधै स्मरण गरिने भनेका छन ।