काठमाडौं, 13 फरवरी 2023
भारतीय विदेश सचिव विनयमोहन क्वात्रा दुई दिने भ्रमणका लागि आज काठमाडौं आएका छन् । उनलाई त्रिभुवन अन्तर्राष्ट्रिय विमानस्थलमा परराष्ट्र मन्त्रालयका सचिव भरतराज पौडेल, नेपालका लागि भारतीय राजदूत नविन श्रीवास्तव लगायतले स्वागत गरेका हुन् । विमानस्थलबाट उनी सिधै होटल याक एण्ड यती गएका छन् । त्यहाँ नेपाल–भारत द्विपक्षीय सचिवस्तरीय संयन्त्रको बैठकमा उनी सहभागी भएका छन् । उनले राष्ट्रपति विद्यादेवी भण्डारी, प्रधानमन्त्री पुष्पकमल दाहाल प्रचण्ड, राजनीतिक दलका शीर्ष नेता र सरकारी उच्च अधिकारीहरुसँग भेटवार्ता गर्नेछन्।
