दिल्ली, 5 सितंबर 2022
पाँचदिने नेपाल भ्रमणका लागि काठमाडौं आएका भारतीय सेनाका प्रमुख जनरल मनोज पाण्डेले टुँडिखेलको सैनिक मञ्चस्थित वीर स्मारकमा पुगेर श्रद्धाञ्जली अर्पण गरेका छन् । कर्तव्य पालनाको सिलसिलामा ज्यान गुमाएका नेपाली सेनाहरुको सम्मानमा निर्माण गरिएको वीर स्मारक पुगेर उनले पुष्पगुच्छा अर्पण गरेका हुन् । उनले त्यहाँको उपस्थिति पुस्तिकामा हस्ताक्षर पनि गरे । भारतीय सेना प्रमुख पाण्डेलाई नेपाली सेनाको परमाधिपतिसमेत रहेकी राष्ट्रपति विद्यादेवी भण्डारीले आज नेपाली सेनाको मानार्थ महारथीको दर्ज्यानी चिह्न प्रदान गर्ने कार्यक्रम पनि छ । यो कार्यक्रम आज अपराह्न ३ बजे शीतल निवासमा हुने छ । पाण्डे नेपालको औपचारिक भ्रमणका लागि आइतबार काठमाडौं पुगेका थिए ।
