नयाँ दिल्ली, 6 सेप्टेम्बर                                          कोरोना महामारी संक्रमितको विश्व सूचिमा भारत दोस्रो स्थानमा आएको छ । भारतले आज ब्राजिललाई पछि पार्दै दोस्रो स्थानमा पुगेको हो । भारतमा अहिले 41 लाख 96 हजारभन्दा धेरै मानिसहरू कोरोनाले संक्रमित भएका छन भने अहिलेसम्म 71 हजार 739 जनाको मृत्यु भएको छ । आजसम्म 32 लाख 40 हजार 927 जना कोरोना संक्रमित निको भएका छन । अहिले भारतमा केवल 8 लाख 83 हजार 415 कोरोना संक्रमितको उपचार चलिरहेको छ । अन्य देशको तुलनामा भारतमा कोरोना भाइरसबाट हुने मृत्युदर निकै कम छ । सूचिको पहिलो स्थानमा रहेको अमेरिकामा अहिलेसम्म 64 लाख 40 हजार 8 सयभन्दा धेरै मानिसहरु कोरोनाले संक्रमित भएका छन भने 1 लाख 92 हजार 956 जनाको ज्यान गएको छ । अमेरिकामा 37 लाख 8 हजार 171 जना कोरोना संक्रमित निको भइसकेका छन भने 25 लाख 39 हजार 689 कोरोनाका मामिला सक्रीय छन । अमेरिकापछि भारत र भारतपछि तेस्रो स्थानमा ब्राजिल रहेको छ । ब्राजिलमा 41 लाख 23 हजार मानिसहरु कोरोना संक्रमित भएका छन । ब्राजिलमा भारतभन्दा धेरै मानिसहरूको ज्यान गएको छ । त्यहाँ 1 लाख 26 हजार 266 जनाको कोरोनाका कारण ज्यान गएको छ । ब्राजिलमा अहिलेसम्म 32 लाख 96 हजार 702 जना निको भएका छन भने त्यहाँ अहिले पनि 7 लाख मानिसहरुको उपचार चलिरहेको छ ।