काठमाण्डौँ, 4 जून
लकडाउन मोडालिटी परिवर्तन गर्न आज मन्त्रिपरिषद बैठक बोलाइएको छ। सरकारले कोरोना भाइरस रोकथाम र नियन्त्रणका लागि अपनाएको लकडाउनको मोडालिटी परिवर्तन गर्न मन्त्रिपरिषद् बैठक बोलाएको हो। लामो समयसम्म लकडाउन जारी रहँदा आर्थिक गतिविधि ठप्प भएका छन्। जसको कारणले आमजनमानसको जनजीवन नै अस्तव्यस्त भएको छ।
व्यावसायीहरू पनि लकडाउन उल्लघंन गर्दै पसल खोल्न थालेका छन्। फलस्वरुप लकडाउनको मोडालिटी परिवर्तन गर्नैपर्ने दबाब सरकारमाथि परेको छ।
बुधबार प्रधानमन्त्री केपी शर्मा ओलीसँग भएको छलफलमा विज्ञहरुले पनि लकडाउन खुकुलो पार्दै जनजीवन सहज बनाउन सुझाव दिएका थिए।
