काठमाण्डौँ, 30 अप्रेल
कोरोना भाइरस (कोभिड-19) संक्रमण रोकथाम तथा नियन्त्रणका लागि सरकारले घोषणा गरेको लकडाउनको 38 दिन पुगेको छ। चैत 11 गतेबाट जारी गरिएको लकडाउनमा अत्यावश्यक सवारी र पास बाहक सवारी साधन मात्रै सञ्चालनमा रहेका छन्। लकडाउनका कारण कोरोना संक्रमण नियन्त्रणमा ठूलो सहयोग पुगेको भन्दै सरकारले बैशाख 25 गतेभित्र लकडाउन थप गरेको छ। यद्यपी अहिले धेरैले लकडाउनको उलंघन गर्दै सवारी सञ्चालन गरेको पाइएको छ। पछिल्लो समय सरकारले लकडाउनको कडाई गर्न निर्देशन दिएपछि अहिले विभिन्न चोकमा सवारी साधनहरूको चाप बढेको छ।
प्रहरी चेकजाँचमा कडाई गरेपछि चोकहरुमा सवारी साधनहरुको ठूलो लाइन देखिन्छ। बिहीबार बिहान मात्रै प्रहरीले लकडाउन उलंघन गर्ने 15 सय भन्दा बढीलाई कारवाही गरेको जनाएको छ। यसैगरी 1 सय 10 सवारी साधन पनि नियन्त्रणमा लिएको प्रहरीले जनाएको छ।
