दिल्ली, 5 अप्रैल 2022
नेपालका लागि भारतीय राजदूत विनयमोहन क्वात्रा सोमबार नयाँ विदेश सचिवमा नियुक्त भएका छन् । उनले यसै महिनाको अन्त्यमा अवकाश लिने हर्षवर्धन श्रृङ्लाको स्थान लिनेछन् । कर्मचारी मन्त्रालयको आदेशमा यो जानकारी दिइएको हो । सन् १९८८ ब्याचका भारतीय विदेश सेवा (आईएफएस) अधिकारी क्वात्राको नियुक्तिको घोषणा गर्दै मन्त्रालयले अप्रिल ३० मा विदेश सचिवको पदभार ग्रहण गर्ने जनाएको छ। मन्त्रिपरिषद्को नियुक्ति समितिले क्वात्राको नियुक्तिलाई अनुमोदन गरेको थियो । क्वात्राले सन् २०२० मा नेपालका लागि राजदूत नियुक्त हुनुअघि सन् २०१७ अगस्टदेखि २०२० फेब्रुअरीसम्म फ्रान्सका लागि भारतीय राजदूतका रूपमा काम गरेका थिए। ३२ वर्षको सेवा अवधिमा उनले २०१५ अक्टोबरदेखि २०१७ भदौसम्म दुई वर्ष प्रधानमन्त्री कार्यालय (पीएमओ) मा सहसचिवको पद पनि सम्हालेका थिए।
