नयाँ दिल्ली, 13 मार्च 2020
स्वास्थ्य तथा परिवार कल्याण राज्यमन्त्री अश्चिनी कुमार चौबेले 12 मार्चसम्म भारतमा 73 जनामा कोरोना भाईरसको संक्रमण देखिएको बताउनुभयो। यीमध्ये 3 जना केरलका थिए भने उनिहरूलाई उपचारपछि अस्पतालले डिस्चार्ज गरिसकेको छ। आज लोकसभामा लिखित प्रश्नको उत्तर दिँदै उहाँले विश्व स्वास्थ्य संगठनको 11 मार्चको रिपोर्टअनुसार विश्वका 113 देशमा कोविड-19 को महामारीबाट 4292 जनाको ज्यान गएको र कुल 1 लाख 18 हजार 3 सय 22 जनामा यसको संक्रमण पुष्टि भएको बताउनुभयो।
विश्व स्वास्थ्य संगठनले नोवल कोरोना भाईरस संक्रमणलाई महामारीको रूपमा घोषित गरेको छ। स्वास्थ्य तथा परिवार कल्याण राज्यमन्त्रीले सरकारले संक्रमण फैलिन नदिन व्यापक उपाय अपनाइ रहेको पनि बताउनुभयो।
देशका 21 विमानस्थलहरूमा यात्रीहरूको जाँच गरिँदैछ। सरकारले 17 जनवरीमा पहिलो पटक यात्रा परामर्श जारी गरेको थियो।
