सत्ता टिकाउन अदालती फैसलाको मसी नसुक्दै रेशमलाई माफी दिइयो: कोइराला
काठमाडौं, 10 जुन 2023
नेपाली कांग्रेसका नेता शेखर कोइरालाले टीकापुर हत्याकाण्डमा अदालतबाट दोषी ठहर भई जेल सजाय सुनाइएका रेशम चौधरीलाई आममाफी दिइएकोप्रति असन्तुष्टि व्यक्त गरेका छन् । तीनै तहका अदालतबाट सजाय सुनाइएका व्यक्तिलाई राष्ट्रपतिमार्फत आममाफी दिँदा दण्डहीनतालाई प्रश्रय र लोकतन्त्रलाई कमजोर पारेको उनले बताए । आज (शनिबार) नेपाली कांग्रेस भक्तपुरको जिल्ला सम्मेलनलाई सम्बोधन गर्दै नेता कोइरालाले यस्तो बताएका हुन्।
‘उच्च अदालत, जिल्ला अदालत, सर्वोच्च अदालतले गरेको निर्णयलाई राष्ट्रपतिजीले त्यो मसी सुक्न नपाउँदै माफी दिनुभयो । हामीजस्ताले त्यसलाई कसरी हेर्ने?’ उनले प्रश्न गरे ।
यस्तो कमदले भविष्यमा गम्भीर रूप लिने उनले चेतावनी पनि दिए । ‘सरकार टिकाउन यी कुराहरू गर्दाखरी लोकतन्त्र कमजोर हुन्छ भन्ने कुरा पनि हामीले बुझ्न जरूरी छ’, उनले भने ।
