काठमाण्डौँ, 15 अप्रेल
सरकारले अफगानिस्तानस्थित संयुक्त राष्ट्र संघीय कार्यालयमा कार्यरत नेपालीहरूलाई स्वदेश फर्कन दिने भएको छ। संयुक्त राष्ट्र संघको दबाबपछि सरकारले उनीहरुलाई फर्कन दिने भएको हो। राष्ट्र संघअन्तर्गतका विभिन्न कार्यालयहरुमा नेपालीहरु विभिन्न देशमा कार्यरत छन्। राष्ट्र संघले उद्धार गर्न अनुरोध गरेपछि सरकार विदेशमा रहेका नेपालीलाई समेत प्रवेशमा रोक लगाउने तीन साताअघिको आफ्नै निर्णयबाट पछाडि हटेको हो। राष्ट्र संघले नयाँ दिल्लीस्थित नेपाली दूतावासमार्फत पहल गरेको थियो।
कोरोना भाइरस नियन्त्रण तथा रोकथामका लागि गठित उच्चस्तरीय समितिको बुधबारको बैठकले उक्त निर्णय गरेको हो। विदेशमा रहेका नेपालीको अवस्थाबारे सर्वोच्च अदालतले सरकारको ध्यानाकर्षण गराए पनि कुनै पहल र प्रयाश भएको छैन्।
नेपाल फर्कन चाहनेलाई सकेसम्म नेपालमै ल्याउन नत्र बसिरहेकै ठाउँमा खानेबस्ने र सुरक्षित स्वास्थ्यको प्रबन्ध मिलाउन सरकारका नाममा आदेश जारी गरेको थियो।
विभिन्न देशले विदेशमा रहेका आफ्ना नागरिकलाई धमाधम उद्धार गरिरहेका छन्। तर नेपालमा भने भारतमै काम गरिरहेका नेपालीहरु सीमापारी आएर रोकिनु परेको छ।
