काठमाडौं, 12 नवम्बर 2021
सर्वोच्च अदालतको अगाडि कानून व्यवसायीको जुलुसमा झडप भएका कारण प्रदर्शनमा उत्रिएका केही कानून व्यवसायीलाई प्रहरीले पक्राउ गरेको छ । सर्वोच्च अदालत अगाडिको सडकमा उनीहरू प्रदर्शनमा उत्रिएका थिए । सर्वोच्च अदालत प्रवेश गर्ने भित्री गेटहरू सबै बन्द भएपछि बाहिरी गेटतर्फ अगाडि बढेका थिए । आन्दोलनमा उत्रिएका कानून व्यवसायीहरूले प्रधानन्यायाधीश राजीनामा दे भन्दै नारा लगाएका छन् । आन्दोलनरत पक्ष र विपक्षका कानून व्यवसायीहरूबीच केहीबेर धकेलाधकेल भएपछि झडप भएको थियो ।
