नयाँ दिल्ली, 23 अप्रेल
भारतको गुजरात राज्यको अहमदाबादमा समस्यामा परेका नेपालीहरूलाई सांसद ध्रुव कुमार शाहीको पहलमा राहत वितरण गरिएको छ। जागिरको सिलसिलामा सुर्खेत भेरी गङ्गा नगरपालिका 8 का केही नेपालीहरू अहमदाबाद आएका थिए। लाकडाउनको कारण नोकरी नपाएर उनिहरू साथिको काम गर्ने ठाउँमा बस्न बाध्य भएका छन्। लकडाउनका कारण खानको समस्या परेको भन्दै सुर्खेत क्षेत्र 1 का सांसद ध्रुव कुमार शाहीलाई उनिहरुले खबर गरेका थिए। माननीय सांसद शाहीले भारतस्थित नेपाली राजदूतावासमा राहतको लागी पहल गरिदिन निर्देशन दिनुभएको थियो।
राजदूतावासले नेपाली परिवारलाई फोन गरेर उनिहरुको सबै जानकारी लिएर अहमदाबादको स्थानीय प्रशासनमार्फत बुधबार उनिहरु बस्दै आएको स्थानमा 1 महिना पुग्ने चामल, पिठो, दाल, तेल, चिनी, मसला लगायतका राशन उपलब्ध गराएको छ। स्थानीय प्रशासनले उनिहरुलाई आगामी दिनमा पनि राशनको अभाव भए सम्पर्क गर्न भनी सम्पर्क नम्बर पनि दिएको छ।
