कैलाली, 20 मई 2020/ हिम शाह
स्थानिय सरकारको प्रयासमा भारतबाट नेपालीहरू स्वदेश फर्किरहेका बेला समन्वय बिना नेपाल जान हिडेका नेपालीहरू अलपत्र पर्न थालेका छन्। भारतमा रहेका विभिन्न राजनीतिक दलका जनवर्गीय संगठनको पहलमा स्थानिय सरकारलाई दवाब सृजना हुँदा अहिले नेपालीहरु धमाधम स्वदेश फर्किन पाइरहेका छन्, तर स्थानीय निकायसँग सम्पर्कनै नगरी नेपाल जान भनि निस्केकाहरू भने सीमामै अलपत्र पर्न थालेका छन्।
भारतको विभिन्न स्थानबाट नेपाल जानको लागि आएका करिब 1 हजार 5 सय नेपाली मजदुरहरू अहिले कैलाली जिल्लाको सीमावर्ती क्षेत्र गौरीफन्टा नाका पुगेका छन्। हिजो साँझ सीमा नाका पुगेपनि नेपाल सरकारले आफुहरूलाई स्वदेशी भूमीमा टेक्न नदिएको भारतको जयपुरबाट आएका राजन विकले बताए। गत सोमबार एउटा बस रिजर्भ गरेका जयपुरबाट आएका हौँ, उनले भने, हामी 35 जनाको संख्यामा छौँ, महिला पनि छन्, बालबच्चा पनि छन्, यहाँ क्वारेन्टिनको व्यवस्था राम्रो छैन्, खाना-पानी पनि दिएको छैन्। नेपाल सरकारले हाम्रो छिटोभन्दा छिटो उद्धार गरोस् उनि भन्छन्। अछाम जिल्लाका उनि भन्छन्, “यहाँ एउटै हलमा धेरै संख्यामा मनिसहरूलाई राखिएको छ, कोरोना संक्रमणको खतरा छ। हामीहरूलाई नेपाल भित्र्याइयोस्, हामी नेपालमै आफ्नो क्वारेन्टिन बस्न तयार छौँ।”
भारतका विभिन्न स्थानबाट बस तथा ट्रक मार्फत अहिलेसम्म 1 हजार 5 सय बढी नेपालीहरू पलिया पुगिसकेका छन्। मजदुरहरूको आउने क्रम अझै जारी छ। उनिहरुले स्थानीय प्रशासनसँग उद्दारको लागि गुहार लगाएका छन्।
यसअघि जिल्ला प्रशासन कार्यालय कैलालीको समन्वयमा पलियामा रहेका साढे 9 सय मजदुरको उद्दार गरिएको थियो। अहिले सीमा क्षेत्रमा पुगेकाहरूलाई पनि उद्दार गर्ने तयार भइरहेको तर सीमा नाकाबाट गन्तव्य पुऱ्याएर क्वारेन्टिन राख्ने व्यवस्था सम्बन्धित स्थानीय तह र प्रदेश सरकारले गर्नुपर्ने जिल्ला प्रशासन कार्यालयले जनाएको छ।
