नयाँ दिल्ली, 9 जनवरी 2021
जाडो याममा कोही पनि गरिबहरुले चिसोका कारण ज्यान गुमाउनु नपरोस भन्ने उद्धेश्यका साथ हाम्रो स्वाभिमानले न्यानो कपडा वितरण गर्ने गर्दछ । यस वर्ष पनि हाम्रो स्वाभिमानको दिल्ली महिला समितिले दिल्लीको छुट्टा स्थानमा न्यानो कपडा वितरण गरेको छ । समितिले कोभिड महामारीलाई ध्यानमा राख्दै यो वर्ष न्यानो कपडाको साथमा फेस मास्क पनि वितरण गरेको छ ।
शुक्रवार समितिका पदाधिकारीहरु लाजपत नगरको सत्य जीवन कुष्ठ आश्रम र आर. के पुरमको जीवन दीप कुष्ठ आश्रममा पुगेर कुष्ठरोगीहरुलाई न्यानो कपडा वितरण गरेका हुन । दिल्लीमा लगातारको वर्षापछि बढेको चिसोलाई ध्यानमा राख्दै उनिहरुले न्यानो कपडा वितरण गरेका हुन । जानकारीका अनुसार महिला रोगीहरुलाई 1 सयवटा न्यानो सल र पुरुष रोगीहरुलाई न्यानो स्वेटर र सबैलाई मास्क वितरण गरिएको जनाइएको छ ।
हाम्रो स्वाभिमान दिल्ली महिला समितिले मानव समाजका गरिब र असहायलाई सहयोग गर्नु हामी सबैको दायित्व पनि भएकाले हाम्रो स्वाभिमान निरन्तर सेवामा लागिरहेको र उसले आफ्नो सेवाका हातहरु अभियान अन्तर्गत दीनदुखीको सेवा गर्दै आएको छ भने अहिले पनि यसरी अगाडी आएर असहायको सहयोगमा लागेको बताएको छ । रोगकै कारण उनिहरुलाई केही वर्गले अपमानित समेत गर्ने भएकाले आफुहरुले उनिहरुसँग पुरै दिन बिताएर आत्मियता प्रकट गरेको देख्दा उनिहरुले पनि आनन्द महसुस गरेको समितिकी एक सदस्यले बताएकी छन ।
न्यानो कपडा पाएपछि उनिहरु कुष्ठरोगीहरु निकै खुशी भएको समितिका पदाधिकारीको भनाई छ ।
