नयाँ दिल्ली, २७ जनवरी
विश्व बास्केटबल खेलाडि लेजेण्ड कोब ब्रायन्ट र उनकी छोरी जियानासहित ९ जनाको हेलिकप्टर दुर्घटनामा परि मृत्यु भएको छ ।
ब्रायन्ट सवार निजी हेलिकप्टर क्यालिफोर्निया राज्यको कालाबासासमाथि दुर्घटना हुँदा ९ जनाको मृत्यु भएको हो ।
ब्रायन्ट सवार हेलिकप्टर आगलागी भएपछि दुर्घटनाग्रस्त भएको अन्र्तराष्ट्रिय सञ्चार माध्यमले जनाएका छन् ।
लस एन्जलस प्रहरीका अनुसार हेलिकप्टरमा रहेका सबै ९ यात्रुको मृत्यु भएको छ । ब्रायन्टसँगै उनकी छोरी जियनाको मृत्यु भएको नाम खुले पनि अन्यको नाम भने सार्वजनिक गरिएको छैन ।
ब्रायन्टले पाँच पटक एनबीएको उपाधि जितेका थिए । उनलाई यस खेलकै लेजेण्डमध्ये एक मानिन्छ ।
व्यावसायिक बास्केटबल करिअरमा २० वर्ष एलए लेकर्समै बिताएका ब्रायन्टले सन् २०१६ मा सन्यास लिएका थिए । उनी ३४ वर्षको उमेरमा ३० हजार करिअर पोइन्ट पुग्ने सबैभन्दा कान्छा खेलाडी थिए ।
