काठमाण्डौ, 25 अगस्त 2021

नेपालमा पछिल्लो २४ घण्टामा २ हजार ४ सय ८२ जनामा कोरोना भाइरसको संक्रमण पुष्टि भएको छ । देशभर गरिएको १५ हजार ३ सय ६० परीक्षणमा २ हजार ४ सय ८२ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । काठमाडौंमा ५ सय १५, भक्तपुरमा १ सय ४२ र ललितपुरमा ८८ जना गरी काठमाडौं उपत्यकामा ७ सय ४५ जनामा संक्रमण देखिएको छ । त्यस्तै, १ हजार ७ सय २१ जना संक्रमणमुक्त भएको मन्त्रालयले जनाएको छ। बुधबार ४४ जना कोरोना संक्रमितले ज्यान गुमाएका छन् । योसँगै नेपालमा कोरोना संक्रमणबाट मृत्यु हुनेको संख्या १० हजार ६ सय १२ पुगेको छ ।