पाल्पा,१४ फरवरी, २०२०
पाल्पाको रानीमहल दरबारमा प्रणय दिवसको अवसरमा पुग्ने युवा–युवती तथा प्रेमी–प्रेमिकाको उल्लेख्य भीड लागेको छ ।
सच्चा प्रेम गर्ने युवा–युवतीहरुको लागि पाल्पाको रानीमहल प्रेरणादायक स्थान बन्दै गएको हो ।
प्रेम दिवसमा मात्र होइन, अन्य दिनमासमेत सयौं युवा–युवतीहरु प्रेमको प्रतीक रानीमहल पुगी आफ्नो प्रेम भाव व्यक्त गर्ने गर्दछन् ।
राणा खड्गशमशेरले आफ्नी रानी तेजकुमारीको सम्झनामा पाल्पाको कालीगण्डकी किनारामा रानीमहल दरबार निर्माण गरेका हुन् ।
राणा खड्गशमशेरले वि.सं. १९४९ सालदेखि रानीमहल दरबारको निर्माण सुरु गरी ६ वर्ष लगाएर वि.सं. १९५५ मा पूरा गरेका थिए ।
रानी तेजकुमारीकै इच्छाअनुसार खड्गशमशेरले तेजमहल निर्माण गरेका हुन् ।
५ नम्बर प्रदेश सरकारले प्रेमको प्रतीक रानीमहललाई प्रमुख पर्यटकीय गन्तव्यको रुपमासमेत घोषणा गरिसकेको छ ।
