नयाँ दिल्ली, 8 मार्च 2020
राष्ट्रपति रामनाथ कोविन्दले अन्तर्राष्ट्रिाय नारी दिवसको अवसरमा आज राष्ट्रपति भवनमा 15 महिलाहरूलाई नारी शक्ति पुरस्कार प्रदान गर्नुभएको छ। पुरस्कार प्राप्त गर्ने महिलाहरूमा 103 वर्षीया एथलीट मान कौर, भारतीय वायु सेनाका पहिलो तीन महिला पायलटहरू- मोहना सिंह, भावना कान्त र अवनी चतुर्वेदी, कृषकहरू पडाला भूदेवी र बीना देवी, शिल्प्कार आरिफा जान, पर्यावरणविद चामी मुर्मू, उद्यमी नीलजा वांगमो, मोटर वाहन अनुसन्धान पेशेवर रश्मी उर्धवरदेशे, महिला राजमिस्त्री कलावती देवी, जुम्ल्याहा पर्वतारोही ताशी र नुंगशी मलिक, शास्त्रीय गायिका कौशिकी चक्रवर्ती र 2018 साक्षरता परीक्षामा शीर्ष स्थान हासिल गर्ने 98 वर्षीया कार्थायिनी अम्मा सामेल छन्। 105 वर्षीया भागीरथी अम्मा पुरस्कार प्राप्त गर्न दिल्ली उपस्थित हुन सक्नुभएन।
यो राष्ट्रिय पुरस्कार प्रत्येक वर्ष कमजोर तथा पिडीत महिलाहरूको सशक्तीसकरण निम्ति कार्य गर्ने व्यक्तिहरू, समूहहरू र संस्थानहरूलाई प्रदान गरिन्छ।
