नयाँ दिल्ली, 11 मार्च 2020
भारतमा कोरोना भाईरस संक्रमितहरूको संख्या 60 पुगेको छ। थप 10 जनामा संक्रमण देखिएपछि भारतमा (कोविड-19) संक्रमितहरूको संख्या बढेर 60 पुगेको हो। नयाँ दिल्लीमा सञ्चारकर्मीहरूसँग कुराकानी गर्दै स्वास्थ्य तथा परिवार कल्याण मन्त्रालयका विशेष सचिव संजीवा कुमारले केरलमा 8 र राजस्थान र दिल्लीमा 1/1 जनामा संक्रमण देखिएको बताउनुभयो। उहाँले सरकारले ईरानमा भारतीयहरूको सुरक्षाको लागि सबै उपाय अपनाइरहेको र त्यहाँबाट भारतीयहरूको नमूना ल्याउनको लागि वैज्ञानिक तथा प्राविधिकहरूको टोली पठाइएको बताउनुभयो।
ईरानबाट हिजो मात्र 58 भारतीयहरूलाई फिर्ता ल्याइएको छ। उहाँले चीन, हङ्गकङ्ग, कोरिया गणराज्यज, जापान, इटली, थाईल्याण्ड, ईरान, मलेसिया, जर्मनी, फ्रान्स र स्पे्नको भ्रमण गरेर फर्किएका यात्रीहरूले 14 दिनसम्म छुट्टै बस्ने व्यवस्था स्वयमले गर्नुपर्ने बताउनुभयो। उनिहरूलाई घरैबाट काम गर्ने सुविधा भने प्रदान गरिनेछ।
