काठमाडौँ, १८ मार्च, २०२०
कोरोना भाइरसले विश्व नै प्रभावित बनेपछि नेपाली राष्ट्रिय फुटबल टिम र इंग्लयान्डको ‘सी’ टिमबीच हुने मैत्रीपूर्ण खेल स्थागित भएको छ । आगामी मे २५ का लागि तय खेल स्थगित भएको अखिल नेपाल फुटबल संघ (एन्फा) ले जनाएको छ ।
स्थगित खेल कहिले हुन्छ भन्नेबारे केही खुलाइएको छैन । यसबारे पछि निर्णय हुने जनाएको छ । मैत्रीपूर्ण खेलका लागि गत माघमा एन्फा र इंग्ल्याण्डको फुटबल एसोसिएसन एफएसँग सम्झौता गरेको थियो ।
दोस्रो मैत्रीपूर्ण खेल भने सन् २०२१ मा नेपालमा हुने सम्झौतामा उल्लेख छ । विश्वरभर फैलिएको कोरोना भाइरसको असरले अहिले नेपालको सम्पूर्ण खेलकुद गतिविधि रोकिएको छ ।
