भैरहवा, 20 मार्च 2020
विश्वभरी फैलिएर माहामारीको रूप लिएको कोरोना भाईरस (कोविड-19) नियन्त्रणको लागि माया देवी फाउण्डेशनले भैरहवामा जनचेतनामुलक कार्यक्रम सहित स्वास्थ्य शिविरको आयोजना गरेको छ। भैरहवास्थित बुद्ध चौक नजिकै भाटभटेनीमा फाउण्डेशनले मानिसहरूमा कोविड-19 बारे जनचेतना फैलाउने उद्देश्य निहित ‘कोरोना भाइरसः सचेतना र बचाव’ कार्यक्रम गरेको हो।
कार्यक्रममा जनचेतना तथा परामर्श दिइनुका साथै निःशुल्क स्वास्थ जाँच, निःशुल्क औषधी वितरण, निःशुल्क मधुमेह रोगको परीक्षण र निःशुल्क मास्क वितरण समेत गरिएको थियो।
नेपाल अधिराज्यको सबैभन्दा ठूलो नाकाहरू मध्येको एक र महत्त्वपूर्ण, भैरहवा-सुनौली नाकामा कोरोना भाइरस कोविड-19 को प्रकोप रोक्न र संक्रमण बारे जनचेतना फैलाउनमा पछिल्लो सयम विभिन्न संघ-संस्थाहरू सक्रिय रहेका छन्।
