हिमाचल प्रदेश, 14 अप्रेल
मूल प्रवाह अखिल भारत नेपाली एकता समाज कुल्लू मनाली समितिले कोरोना भाईरस महामारीको लडाईमा 25 हजार रुपैया सहयोग गरेको छ । मूल प्रवाह अखिल भारत नेपाली एकता समाज कुल्लू मनालीका अध्यक्ष साईला लामाको अध्यक्षतमा गएको टोलीले हिमाचल प्रदेश सरकारका वनमन्त्री गोविन्द ठाकुर भेट गरि एचपी कोभिड-19 सोलिडारिटी रेसपोन्स फण्डमा 25 हजारको चेक हस्तान्तरण गरेको हो ।
चेक हस्तान्तरण गर्न एकता समाजका मुख्य सलाहकार जय बहादुर, सचिव विनोद, कोषाध्यक्ष रवि, सदस्य राम बहादुर, फुरपा, रोजी र सुका लामा मन्त्रीको आवासमा पुगेका थिए ।
अध्यक्ष लामाका अनुसार कोभिड -19 को रोकथामका लागि शुरु गरिएको लडाइका कारण हिमाचल प्रदेशमा नेपालीहरु पनि प्रभावित भएका छन । तर राज्य सरकारले नेपाली-भारतीय नागरिकमा विभेद नगरेर सबैलाई सहयोग गरिरहेकाले आफुहरुले पनि त्यसमा सघाउन समाजका तर्फबाट 25 हजार सहयोग गरेको बताउनुभयो ।
अध्यक्ष लामाले मानिसहरुलाई आग्रह गर्दै लकडाउन पालना गर्न सामाजिक दूरी कायम राख्न अपील गर्नुभयो ।
कोरोना भाईरस महामारी विरुद्धको लडाईमा सबैले आ-आफ्नो स्तरमा गरेको सहयोगले अवश्य पनि जीत हासिल हुने भन्दै मन्त्री गोविन्द ठाकुरले मूल प्रवाहले गरेको सहयोगले गरीब र आवश्यकता भएकाहरुलाई राहत हुने बताउनुभयो ।
