नयाँ दिल्ली, 17 मई 2020

भारत सरकारले लकडाउनको अवधि मई 31 तारीख अर्थात् जेठ 18 गतेसम्म लम्ब्याएको छ। भारतले चौथो चरणमा लकडाउनको अवधि थपेको हो।

यसअघि प्रधानमन्त्री नरेन्द्र मोदीले चौथो चरणको लकडाउन फरक हुने बताउनुभएको थियो। लकडाउनसम्वन्धी निर्देशिका केही बेरमा सार्वजनिक गरिँदैछ। भारतमा गत 25 मार्चदेखि लकडाउन जारी छ।

भारतमा हालसम्म 92 हजार बढी संक्रमित छन् भने 2 हजार 8 सय बढीले ज्यान गुमाएका छन्। त्यस्तै 34 हजार 5 सय जना निको भएका छन्। उच्च संक्रमितको संख्याका आधारमा भारत 11 औँ स्थानमा छ।