काठमाण्डौँ, 22 मई 2020
आज युवकवि सिद्धिचरण श्रेष्ठको 109 औँ जन्मजयन्ती हो। वि.सं. 1969 साल जेठ 9 गते आजकै दिन युगकवि श्रेष्ठको जन्म ओखलढुंगामा भएको थियो। उहाँ नेपाली साहित्यमा स्वच्छन्दतावादी काव्यधारका प्रवर्तक मानिनुहुन्छ। लकडाउनका कारण उहाँको जन्मजयन्ती औपचारिक कार्यक्रम गरी मनाउन नसकिएको उहाँका छोरा रविचरण श्रेष्ठले बताउनुभयो। उहाँका परिवारले काठमाडौँको न्युरोडस्थित धर्मपथमा रहेको शालिकमा माल्यार्पण गरी जन्मजयन्ती मनाएको छ।
सिद्धिचरण श्रेष्ठ नेपाली साहित्यमा युगकवि र नेपाली भाषामा कविरत्नका रुपमा चिनिनुहुन्छ। युगकवि श्रेष्ठले आफ्नो जीवनको साढे 6 दशक लामो साहित्य साधनाका सन्दर्भमा फुटकर कविता, गीत, खण्डकाव्य, नाटक, पद्यनाटक, कथा, निबन्ध, समालोचना, यात्रासंस्मरण लगायतका विधामा सफलतापूर्वक कलम चलाउनुभएको छ। ‘मेरो प्यारो ओखलढुंगा’, ‘निर्झर’, ‘भीसेन थापा’, ‘शबरी’, ‘जूनकीरी’ लगायतका मर्मस्पर्शी उहाँका रचनाहरु सर्वाधिक चर्चामा छन्। उहाँका कतिवा संग्रह ‘मेरो प्रतिबिम्ब’, ‘कोपिला’, ‘कुहिरो र घाम’ लगायत खण्डकाव्यहरु ‘उर्वशी’, ‘ज्यानमारा शैल’, ‘आँसु’ लगायतका कृति रहेका छन्।
युगकवि श्रेष्ठको वि.सं. 2049 साल जेठ 22 गते निधन भएको थियो।
