नयाँ दिल्ली, 15 जुन 2020
भारतमा कोभिड-19 बाट निको हुने विरामीहरुको दर 51.07 प्रतिशत भएको छ । भारतमा अहिले सम्म 1 लाख 69 हजार 798 कोरोना संक्रमितहरु उपचारपछि सञ्चो भएका छन । पछिल्लो एक दिनमा मात्रै 7 हजार 414 रोगीहरु निको भएका छन । वर्तमान समयमा 1 लाख 53 हजार 106 संक्रमित रोगीहरुको उपचार चलिरहेको छ । स्वस्थ्य एंव परिवार कल्यण मन्त्रालयले पछिल्लो 24 घण्टामा देशमा 11 हजार 502 नयाँ कोरोना संक्रमित थपिएको भनेको छ । अहिलेसम्म संक्रमित हुनेहरुको संख्या 3 लाख 32 हजार 424 पुगेको छ । पछिल्लो 24 घण्टामा 325 जनाको यस भाईरसबाट ज्यान जाँदा कूल ज्यान गुमाउनेको संख्या 9 हजार 520 पुगेको छ । देशको मृत्युदर भने 2.86 प्रतिशत छ ।
अर्को तर्फ भारतीय चिकित्सा अनुसन्धान परिषदले पछिल्लो 24 घण्टामा कोभिड 19 का 1 लाख 15 हजार 519 जनाको नमूना परीक्षण भएको भनेको छ । योसँगो अहिलेसम्म देशका विभिन्न प्रयोगशालाहरुमा 57 लाख74 हजार 133 परीक्षण भइसकेका छन । ICMR ले सरकारी र निजी प्रयोगशालाहरुलाई कोभिड 19 को परीक्षण अनुमति प्रदान गर्दै आफ्नो परीक्षण क्षमता पनि निरन्तर रुपमा बढ़ाईरहेको छ । अहिलेसम्म नमूना परिक्षणका लागि 633 वटा सरकारी प्रयोगशालाहरु र 248 निजी प्रयोगशालाहरुलाई अनुमति प्रदान गरिएको छ।
