काठमाण्डौ, 23 जुन 2020
राष्ट्रिय जनता पार्टी (राजपा) नेपालका सांसदहरुले संसदीय समितिबाट पारित भएको नागरिकता विधेयकको कडा विरोध गरेका छन् । मधेश विरोधी निर्णय सरकारले गरेको उल्लेख गर्दै सांसदहरुले विधेयक नसाच्याए सदन र सडकबाट आन्दोलन सुरु हुने चेतावनी समेत दिएका छन् । २०६३ सालमा भएको सहमति अनुसार ६ महिनाभित्र अंगीकृत नागरिकता पाउने प्रवाधान राखिएपनि अहिले सरकारले सहमति उलंघन गरेर मधेशसँगको सम्बन्ध तोड्न खोजेको राजापा सांसद महिन्द्र राय यादवले बताउनुभयो । उहाँले भन्नुभयो, ‘‘भारतसँग विशेष सम्बन्ध छ । रोटी बेटीको सम्बन्ध छ । ७ वर्षको समय तोकिएको छ । यसमा सरकारले गम्भिरताका साथ छलफल गरेर सहमतिको वातावरण बनाउन सकिन्छ । भएन भने सडक देखि सदनसम्म आन्दोलनमा जाउ भन्न खोजेको हो ? नेपाल भारतसँगको सहमति तोड्न चाहान्छ । मधेशसँगको सम्बन्ध तोड्न चाहान्छ । मधेशमा आन्दोलनको संकेत देखिएको छ । यसको जिम्मेवारी सरकारले लिनुपर्छ ।’’
अर्का सांसद प्रदीप यादवले सरकारले मधेशमाथि ठूलो अन्याय गरेको बताउनुभयो । भारतीय चेलीहरुका कारण कुन चाही दुर्घटना घटेर संसदीय समितिले यस्तो निर्णय ग¥यो भन्दै उहाँले प्रश्न गर्नुभयो । सरकारले मधेशी जनतालाई तार्गेट गरेर मधेशको जमिन नेपालको तर जनता भारतीय भएको भन्ने महशुस गराएको उहाँले बताउनुभयो । निर्णय मधेश विरोधी भएको उल्लेख गर्दै उहाँले निर्णय नसच्चिए सदन र सडकमा विद्रोह हुने चेतावनी दिनुभयो ।
