बाजुरा, 27 जुलाई 2020
कोरोना भाईरस महामारीले पुरै विश्वलाई आक्रान्त गरेको छ । हरेक वर्गका मानिसहरु यस भाईरसले प्रभावित भएका छन । झन गरिब, विपन्न वर्गका मानिसहरुलाई अहिले 2 छाक टार्न पनि अप्ठ्यारो भइरहेको छ । उनिहरुको यस्तै समस्यामा राहत दिन केही मनकारी मानिसहरु सकेको सहयोग गर्न अग्रपंक्तिमा हिडेका छन । बाजुराको बुडिगंगा नगरपालिका -१० नाथ टोलका युवा समाजसेवी अभिषेक लोक नाथ यस महामारीले गर्दा जिविकोपार्जन गर्न असक्षम भएकाहरुलाई खाद्यान्न सहयोग गर्न जुटेका छन । उनले आफ्नो क्षेत्रमा समस्यामा परेका मानिसहरुलाई खाद्यान्न सहयोग गरिरहेका छन ।
बाजुराको बुडिगंगा नगरपालिका -१०, लुहारबाडामा अभिषेक लोक नाथले अल्पआयुमै श्रीमान गुमाएर ६ सन्तानको पालनपोषण गरिरहेकी दिपा लुहारलाई खाद्यान्न सहयोग गरेका छन । उनको आफ्नो घर पनि नहुँदा अर्कासँग आश्रय लिइरहेको अभिषेकले बताएका छन ।
त्यसैगरि नाथले बाजुरा बुडिगंगा नगरपालिका वडा न. १० लुहारबाडामा बुबा गुमाएकी गंगा नेपालीलाई खाद्यान्न प्रदान गरेका छन ।
अभियान कै क्रममा उनले बाजुरा बुडिगंगा नगरपालिका वडा न. १० देउमाण्डु गाउँमा आर्थिक अवस्था कमजोर भएका कर्ण गिरिलाई पनि खाद्यान्न सहयोग गरेका छन ।
कोरोना महामारी शुरु भएपछि कयौं विपन्नले भोकका कारण पनि ज्यान गुमाउनु परेकाले आफुहरुले त्यस्ता असहाय गरिबहरुको सहयोगका लागि सहयोगको अभियान चलाएको नाथले बताएका छन ।
सबै मानिसको सानो सयहोगले पनि गरिबहरुका लागि ठूलो सहयोग हुने भएकाले आफुसकेको सहयोग गर्न उनले मानिसहरुलाई आग्रह गरेका छन । आफुसँग जोडिएर यस अभियानमा सहयोग गर्न ईच्छुक भएकाहरुलाई पनि सम्पर्कमा आउन आग्रह गरेका छन ।a
