काठमाण्डौ, 18 अगस्त 2020
राष्ट्र्कवि माधव प्रसाद घिमिरेको निधन भएको छ । मंगलबार साँझ ५ बजेर ५५ मिनेटमा राष्ट्रकवि घिमिरेको काठमाडौंको लैनचौरस्थित आफ्नै निवासमा निधन भएको पारिवारिक स्रोतले बताएको छ । उहाँ 101 वर्षको हुनुहुन्थ्यो ।
नेपाली साहित्यमा कविता, खण्डकाव्य, गीतिनाटक, कथामा घिमिरेको उलेख्य योगदान रहेको छ ।
घिमिरेले नव मञ्जरी, गौरी (शोककाव्य), मालती मङ्गले (गीतिनाटक), हिमालपारि हिमालवारि (गीतिनाटक), राजेश्वरी, इन्द्रकुमारी, राष्ट्रनिर्माता, किन्नर-किन्नरी (गीतसङ्ग्रह), चारु चर्चा (निबन्ध), आफ्नो बाँसुरी आफ्नै गीत (निबन्ध) जस्ता कृतिको रचना गर्रेनुभएको थियो । राष्ट्रकवि घिमिरेलाई विस २०६७ सालमा पद्यश्री साधना सम्मान पुरस्कार प्रदान गरिएको थियो। उनलाई वि.स.२०७५ मा महा उज्ज्वल पदकबाट सम्मानित गरिएको थियो । त्यस्तै २०५४ सालमा हिमालपारि हिमालवारिका लागि साझा पुरस्कारबाट सम्मानित गरिएको थियो भने २०५८ सालमा चारु चर्चा(निबन्ध) का लागि साझा पुरस्कारबाट सम्मान गरिएको थियो । घिमिरेको जन्म लम्जुङको पुस्तुन गाउँमा १९७६ साल असोज ७ गते भएको थियो ।
