अष्ट्रेलिया, 22 सेप्टेम्बर
अष्ट्रेलियाको तस्मानिया तटमा फसेका 270 व्हेलमध्ये 90 व्हेल मरेको उद्धारकर्ताहरुले जनाएका छन । व्हेलको ठूलो संख्यामा तटमा फसेको सोमबार थाहा भएको थियो । बाँकी रहेका व्हेलहरुलाई बचाउने प्रयास जारी रहेको छ । अभियानमा केही दिन लाग्ने उद्धारकर्ताहरुले जनाएका छन । उनिहरु कसरी किनारमा आएर फसे भन्ने कारण थाहा हुन सकेको छैन ।
क्षेत्रमा व्हेलहरु किनारसम्म पुग्ने घटना सामान्य भएपनि यति ठूला व्हेल एक दशकपछि किनारमा पुगेर फसेका हुन । यसअघि सन 2009 मा ठूलो संख्यामा व्हेल माछाहरु किनारमा आएर फसेका थिए । त्यतिबेला 2 सय व्हेल माछाहरु किनारमा आएर फसेका थिए । तस्मानिया समूद्री संरक्षण अभियानका उद्धारकर्ताहरुले उद्धार कार्य जारी राखेका छन । व्हेलहरु किनारमा पुगेपछि पनि 3 देखि 4 दिनसम्म जिउँदो रहने भएको पछिल्ला उद्धारका क्रममा थाहा भएकाले त्यतिबेला सम्म फसेका व्हेलहरुलाई समूद्रमा फिर्ता पठाउने उद्धारकर्ताले आशा गरेका छन । तर केही व्हेलहरु निकै ठूला भएको र ठूला ठूला छालका कारण उद्धारमा चुनौति रहेको उनिहरुले बताएका छन ।
