अछाम, 3 नोभेम्बर, हिम शाह

अछाममा करदाता सेवा कार्यालयबाट सेवा दिन सुरु गरिएको छ। जिल्लाको प्रमुख व्यपारिक केन्द्र साँफेबगरमा स्थापना भएको कायर्लालयबाट सेवा दिन सुरु गरिएको हो। सोमबार देखि कार्यालयबाट दिईने सेवाहरु सुचारु गरिएको कार्यालयका प्रमुख राजेन्द्र बस्नेतले जानकारी दिए । कार्यालय प्रमुख बस्नेतले यस अघि आन्तरिक राजस्व कार्यालय धनगढीबाट सेवा लिँदै आएका अछाम र बाजुरा जिल्लाका सम्पूर्ण करदातालाई करदाता सेवा कार्यालयबाटै सेवा लिन अनुरोध गरिएको छ। अब अछाम र बाजुराबाट कर तिर्नैका लागि धनगढी जानु पर्ने बाध्यताको अत्य भएको छ। करदाता सेवा कार्यालयको स्थापना भएपछि कर सम्बन्धी कामको लागि धनगढी जानु पर्ने बाध्यताको अत्य भएको हो। करदाता सेवा कार्यालय स्थापना भएसँगै जिल्ला भित्रका सेवाग्राहीलाई सहज हुने भएको कार्यालय प्रमुख बस्नेतले बताए ।