गुवाहाटी, 23 नोभेम्बर 2020

असमका पूर्व मुख्यमन्त्री तरुण गोगोईको सोमबार साँझ निधन भएको छ । उहाँको 84 वर्षको उमेरमा गुवाहाटी मेडिकल कलेज एंव अस्पतालमा निधन भएको हो । गोगोई कोरोना संक्रमित भएपछि उहाँलाई गुवाहाटी मेडिकल कलेज अस्पतालमा भर्ना गरिएको थियो । उहाँलाई 25 अक्टोबरमा डिस्चार्ज गरिएको थियो । तर त्यसपछि पनि उहाँको स्वास्थ्य अवस्था बिग्रीएपछि पुनः अस्पतालमा भर्ना गरिएको थियो । 4 पटक विधायक रहिसक्नु भएका गोगोई काँग्रेसका वरिष्ठ नेता हुनुहुन्थ्यो । उहाँ 2001 देखि 2016 सम्म तीन पटक असमको मुख्यमन्त्री रहनु भएको थियो । तरुण गोगोईको जन्म 1 अप्रैल 1936 मा असमको जोरहाट जिल्लाको रंगाजन टी एस्टेटमा भएको थियो । उहाँका पिता डा कमलेश्वर गोगोई रंगाजन टी एस्टेटमै डाक्टर हुनुहुन्थ्यो ।