बर्दिया, 10 डिसेम्बर 2020
जंगली जनावरले धानबाली नष्ट गरिदिएपछि बर्दियाको मधुवन नगरपालिकाका कृषकहरु व्यवसायीक बेसार खेतितर्फ आकर्षित भएका छन । उत्पादन भएको धान जनावरले नष्ट पारिदिएपछि मधुवन नगरपालिका वडा नम्बर १ का ७५ जना किसानले बेसार खेती शुरु गरेका हुन।
मधुवन नगरपालिकाको बेसार खेती पकेट क्षेत्र विस्तार योजना अनुसार नगरपालिकाको अनुदान र लुथर्न वर्ल्ड रिलिफको आर्थिक सहयोगमा नगरपालिकाका किसानहरुले बेसार खेती शुरु गरेका हुन। दलित महिला उत्थान संघद्धारा सञ्चालित आर्थिक सशक्तिकरणका लागि सीप तथा उद्यमशिलता विकास परियोजना अन्तर्गत किसानहरुले बेसार खेती गरिरहेका छन् । मधुवन नगरपालिका वडा नं. एक का ७५ जना किसानले करिब १४ विघा जमिनमा बेसार खेती गरेका छन् । परम्परागत रुपमा गरिने धानमा जंगली जनावरले क्षति पुऱ्याएपछि किसानहरु बेसार खेतीमा आकर्षित भएका हुन् ।
सामूहिक रुपमा बेसार खेती गरिएकाले यसलाई विस्तार गरी आगामी वर्ष २० विघा बेसार लगाउने योजनामा नगरपालिका रहेको छ । नगरपालिकामा १० ओटा पकेट क्षेत्र रहेको र त्यस मध्ये बेसार खेतीलाई पहिलो प्रथमिकता दिएर अगाडी नगरपालिकाका कृषि शाखा प्रमुख एकराज ओलीले बताउनुभयो। नगरपालिकाले बेसार खेतीमा किसानहरुलाई प्रोत्सहित गर्न बिउ समेत उपलब्ध गारएको छ ।
बेसार खेती शुरु भएपछि नगरपालिकाले अनुगमन समेत गरेको छ । शुद्ध बेसार उत्पादन गरी बजार पठाउने र किसानहरुको आर्थिक जीवन बढाउने उद्देश्यले नगरपालिकाले किसानहरुलाई बेसार खेतीतर्फ आकर्षित गरेको हो ।
