नयाँ दिल्ली, 28 जनवरी 2021
भारतमा कोभिड-19 विरुद्धको खोप लगाउने काम जारी रहेको छ । अहिलेसम्म 23 लाख 55 हजार स्वास्थ्यकर्मी र अग्रपंक्तिमा काम गर्ने मजदूरहरुलाई खोप लगाईसकिएको छ । तर केन्द्र सरकारले नयाँ दिशानिर्देश जारी गर्दै महामारी रोकथामका लागि जारी गरिएका मास्क लगाउने, सामाजिक दूरी कायम गर्ने, हाथमुख सफासँग धुने र सेनिटाइजरको प्रयोग गर्ने जस्ता उपायहरुलाई कडाईका साथ पालना गर्न भनेको छ । कोभिड-19 को रोकथामका लागि अयअघि जनवरीको अन्त्यसम्मका दिशानिर्देश जारी भएको थियो । सो दिशानिर्देशको समयसिमा अन्त्य हुनै लाग्दा सरकारले समयावधि बढाएर आगामी फरवरी २८ तारिखसम्म लागू गर्ने निर्णय गरेको हो ।
भारतमा पछिल्लो समय कोरोना भाइरसबाट सङ्क्रमित हुनेहरुको संख्या निकै कम रहेको छ । भारतमा नयाँ फेला पर्ने संक्रमितको संख्या भन्दै निको हुने संक्रमितको संख्या धेरै छ । स्वास्थ्य मन्त्रालयका अनुसार भारतमा अहिले निको हुने दर 96.94 प्रतिशत रहेको छ । भारतमा कोभिड-19 महामारीविरुद्धको लडाईमा सुधार हुँदै गएको र भाईरसविरुद्धको खोप पनि लागि रहेको महामारीलाई जित्नका लागि अनिवार्य रुपमा मास्क लगाउने, सामाजिक दूरी कायम गर्ने, हाथमुख सफासँग धुने र सेनिटाइजरको प्रयोग गर्ने जस्ता सुरक्षाका उपायहरुलाई कडाइका साथ पालना गर्न दिशानिर्देश जारी गरेको हो ।
