दिल्ली, 28 जनवरी 2021
दिल्लीमा नगर निगमका कर्मचारीहरुको आन्दोलनका कारण कयौं स्थानमा फोहरको थुप्रो लागेको छ । सडकको बिचमा फोहरको थुप्रो लाग्न थालेपछि मानिसहरुलाई अहोर-दोहोर गर्न पनि समस्या भएको छ । दिल्लीको पटपडगंज विधानसभा क्षेत्रमा पुग्दा मानिसहरुले केन्द्र सरकार र दिल्ली सरकारको लडाइका कारण कर्मचारीहरुले समयमा तलब नपाउँदा उनिहरु हडतालमा जाने र फलस्वरुप त्यसको मार सर्वसाधारणले बेहोर्नुपर्ने बताएका छन । उनिहरुले अहिले कोरोना महामारीबाट छुटकारा नपाएका बेला सडकभरि फोहर फैलिदा रोग फैलिन सक्ने बताएका छन । यसबाहेक दिल्लीका अन्य विभिन्न ठाँउमा पनि अहिले फोहरको थुप्रो लागेर दुर्घन्धित भएकोछ । समयमा तलब नपाउदा नगर निगमका सफाई कर्मचारीहरुले फोहर उठाउन छाड्ने गरेका हुन्छन । त्यसैले पनि सडकमा पुरै फोहरनै फोहर देखिने गरेको छ ।
