काठमाण्डौ,22 मार्च 2021
राष्ट्रपति विद्यादेवी भण्डारी बंगलादेशको राजकीय भ्रमणका लागि त्यसतर्फ प्रस्थान गर्नुभएको छ। बंगलादेशका राष्ट्रपति मोहमम्द अब्दुल हमिदको निमन्त्रणामा राष्ट्रपति भण्डारी सोमबार बिहान त्यसतर्फ प्रस्थान गर्नुभएको हो । नेपाल वायुसेवा निगमको विशेष चार्टरबाट उहाँ दुईदिने बंगलादेश भ्रमणका लागि प्रस्थान गर्नुभएको हो । राष्ट्रपतिलाई विधाई गर्न उपराष्ट्रपति नन्द बहादु पुन, प्रधानमन्त्री केपी शर्मा ओली, प्रतिनिधिसभाका सभामुख अग्नि प्रसाद सापकोटा, राष्ट्रियसभाका अध्यक्ष गणेशप्रसाद तिमिल्सिना, उपप्रधानमन्त्री ईश्वर पोख्रेल लगायत मन्त्रीहरु र उच्च पदस्थ सरकारी अधिकारीहरु विमानस्थल पुग्नुभएको थियो । राष्ट्रपति भण्डारी बंगलादेशका राष्ट्रपिता बंगलाबन्धु शेख मुजबुर रहमानको सतबार्षिकी जन्मजयन्तीमा सहभागी हुनुहुनेछ। उहाँले सो समारोहलाई सम्बोधन गर्ने पनि कार्यक्रम छ । भ्रमणको क्रममा राष्ट्रपति भण्डारीले समकक्षी मोहमद अब्दुल हमिदसंग दुईपक्षीयहितका विषयमा कुराकानी गर्ने कार्यक्रम रहेको छ। उहाँले त्यहाँ रहदा सहिद स्मारकको भ्रमण गर्नुको साथै बंगलादेशका राष्ट्रपतिले आयोजना गर्ने रात्रीभोज कार्यक्रममा सहभागी हुनुहुने छ। राष्ट्रपति भण्डारीले ढाकास्थित नेपाली दूतावास भ्रमण गरी त्यहाँस्थित नेपालीहरुसंग भेट गर्ने कार्यक्रम तय भएको छ ।
