काठमाण्डौ,13 अप्रैल 2021
सञ्चार तथा सूचना प्रविधि मन्त्री पार्वत गुरुङले नयाँ वर्ष २०७८ सालको शुभकामना व्यक्त गर्नुभएको छ । मंगलबार मन्त्रालयमा मन्त्रालयका कर्मचारीहरुसहित पत्रकारहरुको उपस्थितिमा नयाँ वर्ष २०७८ सालको अवसरमा देश तथा विदेशमा रहनुभएका नेपालीहरुमा शुभकामना व्यक्त गर्नुभएको हो । शुभकामना व्यक्त गर्दै मन्त्री गुरुङले वि.सं. २०७७ सालमा कोभिड-१९ को महामारीको सामना गर्दै र आफ्नै प्रतिकुल स्वास्थ्यका बावजुद पनि प्रधानमन्त्री केपी शर्मा ओलीले राष्ट्रिय गौरवपूर्ण कामहरुको सफल र सवल नेतृत्व गर्नुभएको बताउनुभयो ।
