काठमाण्डौ, 7 अगस्त 2021

टोक्यो ओलम्पिक २०२० मा भारतले पहिलो स्वर्ण पदक हासिल गरेको छ। जेविलिन थ्रो मा नीरज चोपडाले भारतलाई पहिलो स्वर्ण पदक जिताएका हुन्। उनले ८७.५८ मिटर थ्रो गर्दै एथ्लेटिक्सबाट भारतलाई स्वर्ण पदक जिताएका हुन्। नीरजले जितेको स्वर्ण पदकसँगै भारतले टोक्यो ओलम्पिक २०२० मा कुल ७ पदक हासिल गरेको छ। भारतले पहिलोपटक ओलम्पिकमा ७ पदक हासिल गरेको हो। यसअघि सन् २०१२ को लण्डन ओलम्पिकमा भारतले सर्वाधिक ६ पदक हासिल गरेको थियो। जारी ओलम्पिकमा चीनले ३८ स्वर्णसहित ८६ पदक जित्दै शीर्ष स्थान कायम राखेको छ। उसले ३० रजत र २८ कास्य पदक जितेको छ। अमेरिका ३४ स्वर्ण, ३८ रजत र ३२ कास्यसहित १०४ पदक जितेर दोस्रो स्थानमा छ। आयोजक जापान २५ स्वर्ण, १२ रजत र १७ कास्यसहित ५४ पदक जित्दै तेस्रो स्थानमा छ। यस्तै चौथो स्थानमा रहेको ब्रिटेनले २० स्वर्ण, २१ रजत र २२ कास्यसहित ६३ पदक जितेको छ।