काठमाडौं, 12 नवम्बर 2021
अखिल नेपाल फुटबल संघ (एन्फा)ले आसन्न ए डिभिजन लिगको तयारी पुरा भएको जनाएको छ । शुक्रबार आयोजित पत्रकार सम्मेलनमा एन्फाले मंसिर ३ गतेबाट सुरु हुने लिगको सम्पूर्ण तयारी पुरा भएको जनाएको हो । एन्फाले लिगमा साधारणतर्फ सय र भिआइपीतर्फ ५ सय टिकट मुल्य तोकेको जानकारी पनि दिएको छ । यस्तै, यस सिजनबाट एन्फाले हप्ताको तीन दिनमात्र लिगको खेल सञ्चालन गर्ने जनाएको छ । शुक्रबार, शनिबार र आईतबार तीन दिन मात्र एन्फाले लिगका खेल सञ्चालन गर्ने एन्फा महासचिव इन्द्रमान तुलाधरले जानकारी दिनुभयो । उहाले पोखरामा समेत लिगका केही खेल लैजाने तयारी भइरहेको बताउनुभयो । मनाङ क्लब मात्र पोखरा जाने अवस्था नभएमा केही चरणका खेल पोखरामा गर्ने विकल्प सहित छलफल अघि बढाइरहेको उहाको भनाई छ । प्रतियोगिताको उद्घाटन खेलमा सातदोबाटो युथ क्व र फ्रेन्ड्सविच प्रतिस्पर्धा हुनेछ । एन्फाले अहिलेसम्म दुई चरणका खेलको तालिका सार्वजनिक गरेको छ ।
