काठमाडौं, 6 जनवरी 2022
निर्यात व्यवसायीले सरकारले आफ्ना गुनासा सुनुवाइ नै नगरेको गुनासो गरेका छन् । नेपाल निर्यात परिषद्को २४ औ साधारणसभा तथा छैठौ निर्यात दिवसमा अवसरमा बिहीबार काठमाडौंमा आयोजित कार्यक्रममा उनीहरुले आफुहरुको बिभिन्न मागका बारेमा राज्यलाई जानकारी गराउदा पनि सुनुवाई नभएको बताएका हुन् । कार्यक्रममा निर्यात परिषद्का निवर्तमान अध्यक्ष हरिबहादुर कार्कीले बिभिन्न बिषयमा आफुहरुले राज्यलाई सुझाव दिएपनि कार्यान्वयन हुन नसकेको बताउनुभयो । सरकारले निर्यातलाई बिनाधितो ऋण दिने भने पनि कर्याान्वयन नभएको उहाको भनाई छ । परिषद्ले नया कार्यसमिति चयन गरेको छ भने परिषद्ले ‘निकासी व्यापारको सुधार, राष्ट्रिय अर्थतन्त्रको मुल आधार’ भन्ने नाराका साथ छैठौं निर्यात दिवस मनाएको हो ।
