11 जनवरी 2022
विश्लमा पहिलो पटक अमेरिकी डाक्टरहरूले वंशाणुगत रूपमा परिमार्जित सुँगुरको मुटु ५७ वर्षीय पुरुषको शरीरमा प्रत्यारोपण गरेका छन् । यो ऐतिहासिक शल्यक्रिया शुक्रबार गरिएको हो । युनिभर्सिटी अफ मेरिल्यान्ड मेडिसिनको टिम शल्यक्रियामा संलग्न थियो । चिकित्सकहरूले शल्यक्रियामा संलग्न बेनेटको स्वास्थ्य अवस्थामा सुधार आइरहेको जनाए । ७ घण्टासम्म चलेको शल्यक्रियापछि बिरामीको अवस्था सुधारोन्मुख रहेको चिकित्सकले जनाएका छन् । शल्यक्रियाअघि बेनेटले भनेका थिए, ‘गर वा मरको अवस्थामा प्रत्यारोपण गर्न लागेको हुँ । म बाँच्न चाहन्छु । यो एउटा अँध्यारोमा हानिएको गोलीजस्तै हो । मसँग अरु विकल्प छैन ।’ मेरिल्यान्ड युनिभर्सिटीले शल्यक्रियाका लागि अमेरिकी नियामक निकाय खाद्य तथा औषधि प्रशासन(एफडीए) सँग आकस्मिक अनुमति लिएको थियो ।
